حواااااااااااااااااار مهم بالنسبه للقسم

حواااااااااااااااااار مهم بالنسبه للقسم يشمل الوظائف التي يستطع ان يداول المهنه تابعوووووووووووووووو مهم
_____________________________________
حوار بين خريجي القسم عن فرص العمل

دار هذا الحوار على الفيس بوك على جروب    Faculty of Arts Classics Dept. Of Cairo University
بين عدد من  خريجي القسم ، عن فرص العمل التي يتيحها القسم بعد التخرج وعن مدى أهمية المواد التي
 ندرسها بالقسم:

________________________
Hazem
ياريت لو الناس المتخرجة الكبيرة المحترمة تقولنا هما شغالين ايه و كان ايه دور القسم في حياتهم وهل شغلهم له علاقة بالدراسة في القسم و لا لا و ياريت لو نصيحة صغيرة منهم , و شكرا جزيلا ...
_________________________
Nehal
 حازم أنا خريجة 2008 دلوقتي بشتغل مدرسة إنجليزي وقبل كدة كنت في فودافون UK وقبلها كنت في هيئة التنمية الصناعية... وفيه ناس تانية اشتغلت في السياحة.. فيه ناس بتدرس إيطالي وناس قررت تكمل دراسات عليا في اقسم وناس تانية بتكمل برة دراسات.. اللي ممكن انصحك بيه عشان الشغل انك تركز أوي علي اللغات اللي بتدريسها في القسم وعلى مهارات التواصل ولذكاء الإجتماعي وطبعا تاخد كورسات كمبيوتر الحاجات الbasic... أما من ناحية باقي المواد اللي درسناها فهتفيدك لو ناوي تكمل دراسات عليا  أو لو هتشتغل في السياحة دة من ناحية الشغل.. غير الشغل بأة فهي أكيد هتفيدك كتير لانك بتدرس حاجات لناس فعلا عباقرة وأصحاب حضارات عميقة.. المواد دي هتنمي تفكيرك أوي وهتتعلم منها أساليب حياة وممكن أقولك باختصار إن الدراسات اليونانية واللاتيتية بترتقي بالنفس البشرية .. يارب أكون أفدتك
______________________________
Tamer
 والله يا أخ حازم...أقدر أقولك مقوله سمعتها من ييجي كده 20 سنه من د.عبد العظيم-الله يرحمه-مدرس اللغه اللاتينيه لما سألناه عن المستقبل بعد التخرج..فقال- لا فض فوه- يا ابني الجامعات جعلت للثقافه ولم تجعل للعمل...وهي مقوله صحيحه الي حد بعيد...لذلك تلاقي النهارده تنوع في أعمال خريجين القسم : من دكتور في الجامعه الي مستشار اعلامي الي سمسار في البورصه الي سمسار (عقارات) الي مدير فندق الي مدرس و هكذا....ربنا يوفقك
___________________________
Ola
 انا خريجة 2011 و بكمل دلوقتي ماجيستير وبشتغل في وزارة الاتصالات عشان كنت من ال20 الاوائل في الكلية .... انا مش هقول حاجة زيادة بس كل اللى عايزة اقولهولك ان الارادة تخليك تعمل المستحيل ..... والقسم افادنى في الدراسات بتعتي وفي ثقافتى اما بالنسبة لمجال العمل فالقسم ادنى جدا بسبب اللاتيني لأني قدرت افهم الانجليزي صح.... كفاية اوووووى انى لم بدخل مقابلات عمل واتكلم عن القسم واقول قد ايه هو بيفيدنا في اللغات سواء عربي او انجليزي او ايطالي او اى لغة تانية بحس ان اللى قدامي رغم انه مدير كبير الا انه مش عارف المعلومات اللى انا عارفاها ودى حاجة في صالحي طبعا ...... و ربنا معاك و يوفقك في اللى انت عايزه مش اللى مجال العمل عايزه !

_____________
 احنا اللى بنعمل مستقبلنا بإيدينا بعد ربنا سبحانه وتعالى، أنا أشتغلت فى القطاع الخاص أول ما اتخرجت أول عمل لى كان أمينة مكتبة وبعدين سكرتيره فى أكثر من شركة متنوعة التخصصات (تليفوات وسنترالات، استيراد وتصدير، أسمنت..الخ) كل ده وأنا بدرس اللغة الإيطالية وعملت تمهيدى ماجستير وسجلت الماجستير وبعدين جاتلى الفرصة أشتغل في الجامعة وحاليا أنا مدرس مساعد بآداب حلوان وعلى وشك الحصول على الدكتوراه.. المهم إننا نخوض كل الطرق الميسرة أمامنا حتى لو مش فى تخصصنا ، ممكن نكتشف مواهبنا وقدراتنا فى أعمال ومهن مختلفة ونكون متميزيين فى مجالات عديدة،، المهم ننتج وننفع نفسنا وبلدنا ونعرف نكسب قوت يومنا بما يرضى الله.. وربنا يقدر لك الخير وللجميع
_______________________
 انا خريجه السنه اللي فاتت واقدر اقولك انك هتحب القسم من الدكاتره اللي بيدرسوا والمناهج اللي بندرسها لانها حاجات مختلفه تماما ما سمعتش عنها قبل كده هتتبسط وانت بتدرسها . أما عن موضوع الشغل فدلوقتى مين بيشتغل بشهادته المهم انك تتخرج من القسم وانت مثقف.

_______________________
Nehad
أهلا يا حازم .. أنا خريجة 2010 .. وبكمل دراسات عليا وشغالة مذيعة براديو أونلاين وبعد وبقدم برنامج بالقناة التالتة .. بص القسم بالنسبة لي أهم مكان ف العالم .. والمكان اللي دايما بحب أكون فيه وأرجعله . مش كلام .. بس بجد والله لما بكون مخنوقة أو مكتئبة القسم هو اللي بيرجعني سعيدة وهو اللي لما بحس ان العالم وحش بحس ان الدنيا لسة حلوة من خلاله .. قسمنا مميز عن كل الأقسام والكليات التانية .. ومجاله أوسع بكتيييييييييييييييييييير جداااا مما تتخيل أو حتى مما هو ظاهر وواضح .. معلش خليني أرغي شوية عشان إنت فجرت كذا نقطة مهمة ... القسم بيفيدك على 3 أو أربع مستويات .. المستوى الأول اللغات انت بتاخد كم لغات بيخلي الدراسة ممتعة وثرية جدا .. ف الاول هتقول ايه لازمة اللغات القديمة بس بعد كده هتحمد ربنا إنك درست اللغة القديمة دي لانها بتفتحلك مجالات في لغات حديثة أكتر بكتير من اللي ظاهر قدامك .. بس محتاجة تركيز وصبر وجهد كبير .. اللغات عندنا سواء القديمة أو الجديدة لغات ثرية جدا ومميزة جدا ويوم لما بتخصص في مجال بتكون حقيقي مميز فيه جدا جدا .. على المستوىا لثقافي القسم بيديلك كم مهم جدا من الثقافة الحضارية والأدبية والإبداعية لجزء مهم وكبير وحيوي من العالم فبتكون open minded لحضارة مهمة ولثقافات إنسانية مختلفة .. كمان إنت لو بتحب الأدب هيديلك فرصة عظيمة جدا لإنك تتعمق في أهم أساسيات أدبية ودرامية وتتعرف على أهم كتاب وأهم أفكار الأدب في العالم .. على المستوى السياحي انت لو كملت في المجال ده هيكون رائع جدا وحتى مادة الآثار عندنا ممتعة وشيقة جداااااااااا جدااااااا .. أما على المستوى الإنساني .. فبجد بجد .. دكاترتنا أروع دكاترة على الإطلاق ... علما وثقافة وخلقا .. بجد صعب جدا إنك تلاقي دكاترة عندهم فكر .. متمكنين وتحس إنك في وسط عيلتك وأهلك .. ده بابا ودي ماما وده جدو وده عمو .. بجد ... مش كلام .. الدكاترة عندنا محترمين وبتحس دايما إنك بتكتسب منهم حاجة كل يوم وكتبهم كتب من اهم الكتب فعلا .. يعني مش كتاب منهج ولا كتاب تتسلى بيه والسلام بل كتاب تعرف منه معلومة وتستمتع بأسلوب لغوي وأدبي وثقافي محترم جدا وعلى درجة عالية من الفكر .. كمان القسم بيحتفل وبيتيح الفرصة إنك تطلع أفكارك ومواهبك وكتير عملنا مسرحيات كلاسيكية جميلة ... لو إنت بتحب الدراسة والتعمق فيها هتكسب جدا ولو بس قسم وهيعدي فهتستفيد ثقافة وتكوين فكر ومعلومات عامة وتشويق مع القصص والاساطير .. بجد أنا قضيت ف القسم أحلى أيام ف حياتي وإن شاء الله ربنا يساعدني وأتابع وأعمل عشانه حاجة ربنا يوفقك يا رب ويوفق الناس كلها وأهلا بيكم في كلاسيك .. نسيت أقولك حاجة مهمة .. إن كلاسيك بتجمعنا .. يعني بعد كده هتكتشف إنك لما بتقابل أي واحد صدفة حتى لو متعرفهوش وخريج كلاسيك .. هتحس إنكوا زي ولاد البلد ف الغربة وهتحس ان محدش فاهمك قده وهتحس كمان انكوا انتوا الاتنين من بلد واحدة وثقافة واحدة وخلفية معرفية وذكريات واحدة والكلاسيكيون متحدون أينما وجدوا ههههههههههه بعتذر عن الإطالة والرغي بس بجد امبسطت إني أعبرلك قد ايه القسم مفيد ورائع بالتوفيق
نسيت أجاوبك على سؤال مهم جدا .. الشغل له علاقة بالدراسة .. ووجود عمل .. دي نقطة مشكلتها مش في القسم بس وإنما في القسم وفي البلد عموما .. بسبب الحال المتدهور في مجالات كتير وعدم فتح آفاق جديدة كمان انت محتاج تركز على اللغات الحديثة .. لكن القسم ساعات بيركز على القديم أكتر بكتير وده بسبب مشكلة للخريج بإنه بيطلع مش عارف يتكلم الا لو واخد كورس وواخد باله من أول سنة وعارف يوفق بين القديم وكمه الكبييير جدا إلى جانب الحديث ... والبلد ومشاكل الشغل اللي موجودة في مجالات كتيرة ودي نقط واسعة نقدر ننقاشها ومش هيتسع الوقت لده هنا بس ممكن أكيد نفكر فيها سوا .. لكن عموما القسم زي مقلتلك مجالاته أوسع بكتير جدااا جدااا من مجرد قسم لغات وأدب مرة تانية مبروك وربنا يوفقك ويوفق الجميع

________________________
Nehad
نسيت أجاوبك على سؤال مهم جدا .. الشغل له علاقة بالدراسة .. ووجود عمل .. دي نقطة مشكلتها مش في القسم بس وإنما في القسم وفي البلد عموما .. بسبب الحال المتدهور في مجالات كتير وعدم فتح آفاق جديدة كمان انت محتاج تركز على اللغات الحديثة .. لكن القسم ساعات بيركز على القديم أكتر بكتير وده بسبب مشكلة للخريج بإنه بيطلع مش عارف يتكلم الا لو واخد كورس وواخد باله من أول سنة وعارف يوفق بين القديم وكمه الكبييير جدا إلى جانب الحديث ... والبلد ومشاكل الشغل اللي موجودة في مجالات كتيرة ودي نقط واسعة نقدر ننقاشها ومش هيتسع الوقت لده هنا بس ممكن أكيد نفكر فيها سوا .. لكن عموما القسم زي مقلتلك مجالاته أوسع بكتير جدااا جدااا من مجرد قسم لغات وأدب مرة تانية مبروك وربنا يوفقك ويوفق الجميع
_________________________________
استفيد بالوقت اللى حضرتك فيه فى الكليه وركز فى كورسات اللغات الانجليزى والايطالى او اليونانى الحديث اللغات هى اللى هتفيدك بعد التخرج
__________________________________________
يا جدعان كل الكلام اللي أنتم بتقولوا فيه ده تمام وميه ميه أنا واحد التاني علي القسم تراكمي والأول في سنتسي دفعه2013.....وبحب القسم جدا جدا فوق مما تعتقدوا وبحب الدكاتره فيه جدا بس حقيقي الدراسه حاجه والواقع حاجه تانيه خالص.
________________________________
Nehal

الدراسة بتفتح مجال ضيق للشغل انت اللي لازم توسعه بنفسك وبمجهودك.. بالنسبة للشغل:
1- ركز في اللغات (إنجليزي واللغة الحديثة) استغل فترة الكلية انك لما تتخرج تبقي perfect فيهم الاتنين
2- Microsoft Office وخد ال ICDL عشان في كمان اماكن شغل بتزود الsalary لو معاك الشهادة من اليونيسكو
3- ادخلو في تنظيم مؤتمراالقسم علي أد ما تقدر وحفلاته كمان.. القصة دي كانوا بيسألوني فيها كتير في الانترفيوهات وكنت بكتبها في الcv... كانت بتشد.
 4- وأخيرا حاول تشتغل أي حاجة ليها علاقة باللغات أو السياحة ااو التدريس "اللي يعجبك" في فترات الصيف.. عشان بتدخل في سنين الخبرة بتاعتك.. وربنا يوفقك ويوفقكم كلكم يا رب .